Fimm merki um að rassinn sé of aumur

Það er ekki nóg að styrkja magavöðvana til þess að ná fram góðri líkamsstellingu, rassvöðvarnir skipta líka miklu máli. Veikir rassvöðvar geta haft slæm áhrif á hreyfigetu líkamans. 

Hvernig er hægt að komast að því að maður sé með of veika rassvöðva? Men's Health fékk sérfræðinga til þess að fara yfir helstu viðvörunarbjöllur. Í ljós kom að gott er að fylgjast með nokkrum merkjum en það að hnéð beygist 90 gráður er merki um að rassvöðvarnir eru í góðu standi. 

Það borgar sig að styrkja rassvöðvana. mbl.is/Thinkstockphotos

Verkir í mjöðmum eða hnjám

Ef fólk fær verki í hné eða mjaðmir þegar það er að æfa getur vandamálið átt rætur að rekja upp í rass. Að fá verki í mjaðmirnar eða verk framan á hnén þegar hlaupið er getur verið merki um of veika rassvöðva.

Slæm líkamsstaða

Að vera boginn í baki getur verið merki um veika rassvöðva. Ef fólk situr álútt allan daginn er það merki um að fólk þurfi að styrkja rassvöðvana. Fólk fær einnig oft og tíðum verki í mjóbakið. 

Skrítið göngulag

Skrítið göngulag eða hlaupastíll getur verið vegna veikra rassvöðva. Vegna þess að rassvöðvarnir eru ekki nógu sterkir verður fólk stíft í mjöðmunum og stífar mjaðmir hafa áhrif á göngulag.

Verkir í hælum

Hlauparar með veika rassvöðva eiga það til að fá verki í hæla. 

Blöðrur

Blöðrur og önnur fótavandamál má rekja til veikra rassvöðva. 

Er hlaupastíllinn eðlilegur? mbl.is/Thinkstockphotos

• Blogga um frétt