Engin vandamál, aðeins lausnir

Sesselja Thorberg.
Sesselja Thorberg. mbl.is/Kristinn

„Ég stofnaði ráðgjafafyrirtækið Fröken Fix fyrir ári og síðan þá hefur leiðin aðeins verið upp á við. Ég undirbjó mig mjög vel, kannaði markaðinn og gerði áætlanir. Ég vissi upp á hár að það var pláss fyrir þessa þjónustu, einskonar millistig á milli arkitekts og stílista. Ég var auðvitað stressuð og byrjaði smátt en mig óraði aldrei fyrir viðbrögðunum sem ég hef fengið,“ segir Sesselja Thorberg.

„Íslendingar hafa hingað til kannski verið með þá hugmynd að þessi þjónusta sé mjög dýr og kannski eilítið ópersónuleg. Það stafar fyrst og fremst af því hvernig ljósmyndir fjölmiðlar birta af innanhússhönnun, sem vill oft vera eins og í sýningarbás. En auðvitað á innanhússhönnun að vera persónuleg og endurspegla viðskiptavininn. Þetta er allt að koma.“

Fyrirtækið stækkar hratt en Sesselja ætlar að flytja með fyrirtækið í nýtt húsnæði í miðbænum nú í september. En eru verkefnin eins og hún bjóst við í upphafi?

„Nei, ég bjóst við því að ég myndi vera mestmegnis með „quick fix“-ráðgjöf og svo myndu stærri verk detta inn þess á milli. Eins og er hafa stærri verkin tekið dálítið yfir en þó tek ég einn fastan dag í viku þar sem ég sinni nokkrum „quick fix“-erindum. Ég bjóst líka við því að lægðir myndu koma inn á milli en ég hef ekki enn orðið vör við það. Ég hef allavega ekki enn komist í sumarfrí!“ segir Sesselja.

Hvert verkefni sérstakt

Verkefnin eru mörg og fjölbreytt.

„Ég er mjög mikið bókuð núna og sinni mikið stærri langtímaverkefnum bæði fyrir fyrirtæki og einstaklinga. Hvert og eitt verkefni er spes en þó eiga þau öll það sameiginlegt að ég byrja að hanna út frá einhverri ákveðinni stemningu sem ákveðin er fyrirfram. Svo er ég reglulega með smærri ráðgjafartíma líka.“

En hvert skyldi vera algengasta vandamálið sem viðskiptavinir leita til Sesselju með?

„Litaráðgjöf, skipulag, uppröðun, hönnun innréttinga eða að skapa stemningu. Það er í raun ekkert eitt atriði sem er algengast. Vandamál eru ekki til, aðeins atriði sem bíða lausna, segi ég alltaf.“

Þrifaleg forstofa í vetur

Það er freistandi að spyrja sérfróðan viðmælandann hvað verði ofan á í haust, hvaða litir verði til dæmis í aðalhlutverki.

„Turkis, gulur og grár hafa verið dálítið mikið inni og ég hugsa að gráu tónarnir haldi áfram. Antíkbleikur hefur einnig verið að koma mikið inn ásamt orange og hlýjum grábrúnum tónum. Ekki má gleyma fallegasta hvíta litum, kiddahvítum frá Slippfélaginu. Veggfóður er líka að verða æ algengara, bæði rómantísk kvenlæg mynstur og karllæg strúktúrmynstur,“ segir Sesselja og gefur svo góð ráð fyrir heimakæra fyrir veturinn.

„Það er þjóðráð að setja fallegan hlýan lit inn í þau rými sem mest eru notuð yfir veturinn. Grábrúnir eða blágráir tónar koma vel út í kertaljósabirtunni. Í Ilvu og Ikea fást falleg prónateppi ef þú ert ekki handlaginn sjálfur og slík teppi er gott að grípa í fyrir kaldar tær. En vel skipulögð og þrifaleg forstofa er nauðsynleg fyrir veturinn, allir treflar á sinn stað og engir blautir skór út um öll gólf.“

Allar nánari upplýsingar má nálgast HÉR.

Sesselja Thorberg.
Sesselja Thorberg. Kristinn Ingvarsson

Balenciaga-taska eða Ikea-poki?

15:00 Ný taska frá tískuhúsinu Balenciaga hefur vakið athygli fyrir að vera keimlík Frakta-pokunum vinsælu frá Ikea. Verðmunurinn er hins vegar gífurlegur. Meira »

Hlaup geta lengt lífið

12:00 Ný rannsókn sýnir fram á að þú getir lengt lífið um sjö klukkustundir ef þú hleypur í eina klukkustund.   Meira »

10 leiðir sem styðja við þyngdartap

09:00 Sara Barðdal gefur lesendum sínum fjölbreytt ráð um hvernig megi auka fitubrennslu. Það gæti komið einhverjum á óvart að það að hlæja og slaka á hjálpar til við fitubrennslu. Meira »

Förðun sem kallar fram fegurðina

06:00 Arna Sigurlaug farðaði Thelmu Rut Svansdóttur. Þemað var brúðkaupsdagurinn en hún notaði vörur frá Smashbox.   Meira »

10 staðreyndir um fullnægingu kvenna

Í gær, 23:59 Fullnægingar eru góðar og sérstakar. Konur fá fullnægingar á mismunandi hátt og þær taka að meðaltali 20 sekúndur.   Meira »

Láttu einhvern annan velja Tinder-myndina

Í gær, 21:00 Það kemur betur út fyrir fólk að láta einhvern annan velja forsíðumynd af sér fyrir stefnumótasíður og smáforrit.   Meira »

Hleypur til þess að slaka á

í gær Það verður nóg að gera hjá Páli Óskari Hjálmtýssyni í sumar og lítill tími fyrir sumarfrí. Hann verður á fullu að undirbúa stórtónleika í höllinni og koma fram á bæjarhátíðum. Meira »

Svekkt að hafa ekki landað 1. sætinu

Í gær, 18:00 Lilja Ingvadóttir keppti í fitness um páskana og er dálítið skúffuð yfir því að hafa lent í 2. sæti. Hún segir að dómarar hafi verið að leita að mýkri línum í ár. Meira »

190 milljóna íbúð í Skuggahverfi

í gær Við Vatnsstíg 15 í Reykjavík stendur glæsileg íbúð á besta stað. Pétur Stefánsson er skráður eigandi íbúðarinnar sem er 217 fm að stærð. Meira »

Fullkomnar rassæfingar ofurkroppsins

í gær „Gerðu allar æfingarnar 20 sinnum hægra megin og endurtaktu þetta svo allt vinstra megin. Mjög flott að gera þessa æfingalotu 2-3 sinnum í viku,“ segir Anna. Meira »

Nóg af sólarpúðri á brúðkaupsdaginn

í gær Förðunin skiptir mjög miklu máli á brúðkaupsdaginn. Eva Suto farðaði Elísabetu Hönnu með Bobbi Brown-snyrtivörum en hún segir að það skipti mjög miklu máli að undirbúa húðina vel fyrir stóra daginn. Meira »

Skiptir öllu máli að klæða sig rétt

í fyrradag „Það er ekki eins flókið að ákveða í hverju maður á að vera og það virðist í fyrstu. Frost, vindur, rigning eða sól? Það er mikilvægt að geta brugðist við síbreytilegu veðrinu á Íslandi en jafnframt látið sér líða vel, ekki of heitt og ekki of kalt. Flestir kjósa að klæða sig í lagskiptan fatnað svo það sé hægt að stýra hitanum ... Meira »

21 mínútu æfingalota ofurkroppsins

í fyrradag Anna Eiríksdóttir leikfimisdrottning er búin að setja saman æfingalotu sem hver sem er getur gert heima hjá sér. Nú er engin afsökun fyrir því að hreyfa sig ekki. Meira »

Hvað einkennir leiðinlegt fólk?

21.4. Listamaðurinn Hugleikur Dagsson spurði vini sína á Facebook hvað einkenndi leiðinlegt fólk. Hann væri nefnilega að gera seríu um leiðinlegt fólk og vantaði innsýn í líf hans. Ekki stóð á viðbrögðunum en um 300 manns lögðu orð í belg. Meira »

Guðni Th. bauð grínara í mat

í fyrradag Guðni Th. Jóhannesson forseti Íslands bauð Ricky Gervais leikara og skemmtikrafti í hádegismat á Bessastaði. Þau ræddu ýmislegt skemmtilegt í þessu boði eins og fyndni og skemmtilegheit. Meira »

Litaði á sér hárið í stíl við bókina

21.4. Tobba Marinósdóttir var að gefa frá sér bókina Náttúrulega sætt. Hún fann engan nýjan kjól fyrir útgáfuboðið þannig að hún lét bara lita á sér hárið í staðinn. Meira »