Opnað fyrir skráningu á HönnunarMars
Hönnuðurinn Mundi hélt tískusýningu á vegum á HönnunarMars í fyrra. Árni Sæberg
HönnunarMars hefur stimplað sig rækilega inn, bæði meðal hönnuða en líka í borginni allri. Hann boðar vorkomuna og um leið gróskuna í íslenskri hönnun. Þar sem vel hefur tekist til verður haldið áfram á sömu braut en samhliða kynntar nýjungar í dagskrá.
HönnunarMars mun fara fram dagana 22.-25. mars. Búið er að opna fyrir skráningu í dagskrá.
Aðildarfélög Hönnunarmiðstöðvar vinna nú að dagskrá sinni og mörg þeirra standa fyrir samsýningu félagsmanna sinna. Undirbúningshópurinn hvetur hönnuði í fagfélögum Hönnunarmiðstöðvar sem hyggjast taka þátt í dagskránni, að setja sig í samband við verkefnisstjóra viðkomandi félags. Aðrir þátttakendur geta skráð viðburð sinn skv. upplýsingum hér að neðan.
HÉR er hægt að fá nánari upplýsingar.
