Gafst upp á strandlífinu: Flutt á lúxushótel
Lindsay Lohan er flutt úr íbúð sinni á Venice-ströndinni í Kaliforníu á lúxushótelið Chateau Marmont, sem er við Sunset Strip í vesturhluta Hollywood.
Chateau Marmont-hótelið er eitt frægasta hótelið á þessum slóðum enda geymir það arf gamla Hollywood-glamúrsins. Fyrir nokkrum árum var hótelið endurbætt og fékk Gulla Jónsdóttir, sem er íslenskur arkitekt, það verkefni að endurhanna það.
Það að Lohan haldi til á Chateau Marmont gefur til kynna að hún sé ekki alveg auralaus því það kostar skildinginn að gista þar í nokkrar nætur, hvað þá að flytja þangað.
Þegar Smartland heimsótti Hollywood á síðasta ári lá leið undirritaðrar á hótelið eftir að heimsfrægur íslenskur kvikmyndaframleiðandi hafði mælt með því. Að borða sunnudagsbrönsinn á hótelinu er mikið ævintýri. Kaffið var dýrðlegt og morgunmaturinn rann ljúflega niður. Svo er ekki verra að sjá stórstjörnur með eigin augum en þær halda einmitt til á þessum slóðum.
HÉR má sjá myndir af hótelinu innandyra.
