Marta María Jónasdóttir
martamaria@mbl.is

Arkitektastofan twentyfourseven á heiðurinn af einbýlishúsi í höfuðborg Mexíkó. Húsið, sem er á tveimur hæðum, er svo vandað og fallegt að það er ekki hægt annað en brosa hringinn þegar myndirnar eru skoðaðar.

Á neðri hæðinni, þar sem stofurnar eru, er hægt að opna húsið upp á gátt þannig að garðurinn flæði inn í húsið. Í loftslagi sem ríkir á þessum slóðum er það afar snjallt en myndi kannski ekki gera sama gagn á Íslandi.

Viður, marmari og gler eru í forgrunni í þessu glæsilega húsi. Það eina sem setja má út á er eldhúsið. Það passar einhvern veginn ekki við afganginn af húsinu. En auðvitað er það smekksatriði.