Bergljót Friðriksdóttir beggo@mbl.is

Barbie-aðdáendur um allan heim hafa nú ástæðu til að kætast því von er á nýjum Barbie-dúkkum að fyrirmynd Vilhjálms Bretaprins og eiginkonu hans, Katrínar hertogaynju af Cambridge, eins og þau voru klædd á brúðkaupsdaginn.

Leikfangaframleiðandinn Mattel hefur tilkynnt að von sé á bresku Barbie-brúðhjónunum í apríl en þá halda Vilhjálmur prins og Katrín hertogaynja upp á eins ár brúðkaupsafmælið, að  því er fram kemur í Daily Mail.

Barbie-hjónin verða klædd eins og Vilhjálmur og Katrín þegar þau gengu upp að altarinu; hann í rauðum jakka með bláan borða og orður í barminum, hún með kórónu og slör í skósíðum hvítum brúðarkjól í anda hönnuðarins Söruh Burton fyrir Alexanders McQueen.