Húsmóðirin hannaði heimilið

Hvítar sprautulakkaðar innréttingar njóta sín vel á heimili við Sandprýði í Garðabæ. Húsmóðirin á heimilinu hannaði húsið sjálf án þess að státa af prófi úr arkitektaskóla. Eins og sést á myndunum ætti húsmóðirin að gera meira að þessu.

Eldhúsið er stílhreint og smart með hvítri sprautulakkaðri innréttingu og hvítri granít-borðplötu. Í eldhúsinu er risastór eyja sem státar af góðu vinnuplássi. Eldhúsið og stofan flæða saman í einu rými og aðskilur borðstofuborðið þessa tvo hluta.