Cara Delevingne hefur verið rekin að heiman, að því er dagblaðið The Sun greinir frá.
Fyrirsætan hefur búið með foreldrum sínum, Charles og Pandóru, á 10 milljón punda, eða um tveggja milljarða íslenskra króna, heimili þeirra, Belgravía glæsihýsinu, í London. Þau hafi hins vegar rekið hana að heiman eftir að þau ákváðu að flytja í minna húsnæði.
Ástæðuna segja foreldrarnir að Delevingne eigi einfaldlega of mikið af fötum til að þau komist fyrir á nýja heimilinu.
Talið er að Delevingne sé að leita sér að rúmgóðu húsnæði í Chelsea- eða Kensington-hverfinu í Lundúnum og sé til í eð eyða um 245 milljónum íslenskra króna í húsnæðið.
Eldri systir fyrirsætunnar, Poppy, hjálpar systur sinni að finna húsnæði en Delevingne ætlaði að flytja inn með vinkonu sinni, fyrirsætunni Georgíu May Jagger, á síðasta ári en hún byrjaði svo með rokkaranum Josh McLellan og þá breyttust hlutirnir.