Hvað gerir þú í svefnherberginu?

Það er ekkert lítið sem undirrituð bíður alltaf spennt á hverju ári eftir nýja IKEA-bæklingnum. Svona innréttinganördar þrá ekkert heitar en að gera aðeins fínna heima hjá sér og þá kemur IKEA náttúrlega eins og himnasending inn í tilveruna. Í ár eru svefnherbergi í forgrunni hjá fyrirtækinu. 

Það er afar snjallt því oft vill þetta mikilvægasta herbergi hússins verða útundan. Hver kannast ekki við það að nenna ekki að búa um og jafnvel loka svefnherberginu þegar gesti ber að garði? Nú þýðir ekkert að stinga hausnum í sandinn þegar kemur að svefnherberginu heldur gera hlýlegt og notalegt í kringum sig. 

Það er aldrei að vita nema það skili sér í betri svefni, hressilegra ástalífi og komi meira jafnvægi á andlega heilsu.