Í Paddington í Queensland í Ástralíu stendur afar heillandi einbýli þar sem viður og marmari mætast á heillandi hátt. Arkitektastofan Tim Stewart Architects hannaði húsið en stofan er þekkt fyrir afbragðshönnun.
Þótt grunnurinn í húsinu sé fallegur þá setja falleg húsgögn punktinn yfir i-ið eins og borðið frá Naguchi, Arco standlampinn og húsgögn eftir hinn þekkta La Corbusier. Í húsinu er sófasett eftir hann, stakir stólar og hægindastóllinn sem þykir vera einn klassískasti stóll veraldar.
Leðursófasett eftir La Corbusier prýðir stofuna og leðurstólarnir eru líka eftir hann.
Ljósmynd/Christopher Frederick Jones
Stólarnir frá La Corbusier fara vel við panilklædda veggi.
Ljósmynd/Christopher Frederick Jones
Borðið eftir Naguchi sómir sér vel í stofunni.
Ljósmynd/Christopher Frederick Jones
Marmarinn setur svip sinn á eldhúsið og ljósin sem eru þrjú í röð gera heilmikið fyrir heildarmyndina.
Ljósmynd/Christopher Frederick Jones
Marmarinn nær aðeins fyrir ofan borðplötuna og blokkerar aðeins það sem er að gerast í eldhúsinu. Það er heppilegt svo allt dótið í eldhúsinu sjáist ekki þegar horft er inn í stofuna.
Ljósmynd/Christopher Frederick Jones
Stiginn er parketklæddur.
Fantaflott úrsýni er úr stofunni.
Ljósmynd/Christopher Frederick Jones
Guðdómlega fallegt baðherbergi. Speglaskápar setja svip sinn á heildarmyndina.
Ljósmynd/Christopher Frederick Jones