Nótt í lúxussvítu fyrir 353.000 krónur

Kaupsýslumaðurinn og milljarðamæringurinn Richard Branson er með mörg járn í eldinum en hann á ótal fyrirtæki um allan heim. Eitt fyrirtæki hans er þetta glæsilega gistiheimili sem er í Marokkó. Gistiheimilið heitir Kasbah Tamadot og er ofarlega á lista yfir bestu hótel heims.

Gistiheimilið inniheldur 27 herbergi en Branson heimsækir það tvisvar á ári og lætur þá loka gistiheimilinu svo að hann geti haft það út af fyrir sig. Þessu er greint frá á heimasíðu DailyMail.

Nótt á KasbahTamadot kostar frá 67.000 krónum. Nótt í lúxussvítu hótelsins kostar þá 353.000 krónur en henni fylgir einkasundlaug og þrjú baðherbergi.

Gestir gistiheimilisins þurfa sko ekki að sitja auðum höndum í fríinu því þeir hafa aðgang að heitum pottum, sundlaug, tennisvelli, borðtennis-borði, líkamsrækt og útibíó svo eitthvað sé nefnt.

Nánari upplýsingar og fleiri myndir má nálgast á heimasíðu hótelsins, KasbahTamadot.virgin.com