Notaðu haustlaufin til að fegra í kringum þig

Þegar hausta tekur falla laufblöðin af trjánum í öllum regnbogans litum. Gul, rauð og appelsínugul laufblöð eru áberandi. Á heimasíðu Spark and Chemistry má nálgast ýmsar sniðugar hugmyndir um hvernig hægt er að gera fallegt í kringum sig á einfaldan hátt, m.a. með haustlaufblöðum úr garðinum.

Það sem þú þarft til að útbúa þessar krúttlegu haust-krukkur er:

• tómar krukkur
• haustlaufblöð (ekta eða gervi)
• lím sem þornar glært
• pensil
• borða til skrauts

Aðferðin er einföld. Þú berð þunnt lag af lími á krukkuna og límir svo laufblöðin handahófskennt á. Á þessum myndum eru notuð gervilauf. Þegar límið er þornað er fallegt að mála aðra umferð af glæra líminu yfir laufblöðin, þannig fæst glansandi áferð á laufblöðin og þau festast betur á krukkuna. Þessar haust-krukkur henta vel undir sprittkerti en birtan sem fæst frá þeim er einstaklega hlýleg.

Það er hægt að nýta haustlaufin í föndur. AFP

• Blogga um frétt