Við Árakur í Garðabæ stendur sjarmerandi 249 fm raðhús sem byggt var 2007. Húsið er stílhreint og fallegt en það sem gerir það sjarmerandi er hvað það er smekklega innréttað. Í eldhúsinu er ósköp hefðbundin hvít sprautulökkuð innrétting en það sem gerir innréttinguna pínulítið öðruvísi er að neðri skáparnir ná alveg fram í borðstofu og að stiganum sem er á milli hæða.

Þetta gerir það að verkum að það er fínt flæði í eldhúsinu sem smitast út í önnur rými hússins. Hjarta eldhússins slær svo við flennistórt borðstofuborð úr við en við það eru hvítir stólar, ýmist frá Arne Jacobsen eða Eames hjónunum. Loftljósið er úr IKEA.

Það sem gefur húsinu mikla heildarmynd og um leið sjarma eru grámáluðu veggirnir. Það er allt málað í þessum sama lit sem gerir öll herbergi hlýleg. Auk þess er skipulagið gott á húsinu og það ætti að fara sem best um alla sem á heimilinu búa.

HÉR er hægt að skoða það nánar.