Á heimasíðu IKEA-hackers má finna lista yfir tíu flottustu breytingar ársins 2014 þar sem IKEA-vörur koma við sögu. Breyting Soffíu Daggar, sem heldur úti heimasíðunni Skreytum Hús, komst á listann.
Soffía Dögg tók fjögur stykki af HYLLIS hillum frá IKEA og gerði nokkra breytingar á þeim. Útkoman er virkilega skemmtileg enda komst hún á lista með örðum frábærum hugmyndum. Áhugasamir geta séð, skref fyrir skref, hvernig Soffía breytti hillunum í færslu birtist á heimasíðu IKEA-hackers í nóvember.
Lista yfir flottustu breytingarnar má sjá á heimasíðu IKEA-hackers.
Lesendur geta svo kosið flottustu breytinguna en kosningin stendur yfir til 25. janúar of fær sigurvegarinn 250 dollara gjafabréf hjá Amazon. Keppnin er ekki á vegum IKEA.
Heimili Soffíu má skoða í heild sinni í innliti sem Smartland tók hjá henni í desember.