Þeir sem hafa lært biblíusögurnar utan að ættu að vita að það er kannski ekkert voðalega gáfulegt að byggja hús á sandi. Þótt það teljist betra að byggja hús á bjargi en á sandi sýnir Luciano Kruk arkitektastofan að það er bara alveg hægt og kemur meira að segja bara mjög vel út.
Arkitektastofan hannaði þetta sjarmerandi einbýli sem er staðsett í Argentínu. Um er að ræða sumarbústað þar sem ekkert var til sparað til að gera huggulegt en þó er ekkert óþarfa prjál að þvælast fyrir.
Öll gólf eru steypt og sumir veggir með berri steypu og aðrir viðarklæddir. Hrái stíllinn er ríkjandi út í gegn á sinn heillandi hátt. Eina flippið eru túrkíslituðu rúmfötin og handklæðin, en það má breyta um lit á þeim þegar það þetta óhreinkast.