Við Vogaland í Fossvogi stendur hugguleg sérhæð sem var mikið endurnýjuð 2014. Stíllinn á íbúðinni er sjarmerandi. Hann er pínulítið hrár en þó með skemmtilegu tvisti sem ekki er að sjá inni á öllum íslenskum heimilum. Það er til dæmis breiður svartur listi meðfram loftinu í allri íbúðinni sem gerir hana heillandi og svo er eldhúsið afar kokkavænt. 

Eldhúsið er í hjarta hússins með stórum viðarskápum með rennihurðum sem hægt er að loka alveg eða opna upp á gátt. Á móti skápnum kemur hvít eyja með fínu vinnuplássi. 

Eigendur íbúðarinnar keyptu hana haustið 2014 og hófust framkvæmdir strax en nokkrum mánuðum áður hafði Smartland Mörtu Maríu fjallað um íbúðina sem þau áttu áður sem var afar smekklega innréttuð og vel heppnuð. Hvað ætli þetta sniðuga par geri næst?

HÉR er hægt að skoða íbúðina nánar.