Leikararnir Melanie Griffith og Antonio Banderas sóttu um skilnað frá hvort öðru í fyrra eftir 18 ára hjónaband. Nú hafa þau sett heimili sitt á sölu en húsið er afar íburðarmikið.
Húsið, sem er í Kaliforníu, er 1400 fermetrar og ásett verð er 2,2 milljarðar krónur. Húsið hefur að geyma sjö svefnherbergi, sjö stór baðherbergi og þrjú minni baðherbergi, upptökuver, líkamsræktarstöð og sundlaug svo eitthvað sé nefnt. Þessu var greint frá á Variety.
Griffith og Banderas keyptu húsið árið 1999 á 571 milljón króna. Seinna keyptu þau húsið við hliðina á og létu rífa það, þannig voru þau komin með stærðarinnar lóð við húsið.