Leikkonan Zooey Deschanel hefur sett krúttlega húsið sitt á sölu en hún keypti nýverið stærra hús með unnusta sínum. Húsið fallega sem Deschanel er að selja er í Hollywood Hills. Ásett verð er 288 milljónir króna.
Húsið er 280 fermetrar en í bakgarðinum er svo lítið gestahús. Í húsinu eru þrjú svefnherbergi og þrjú stór baðherbergi og eitt minna.
Húsið, sem var byggt í kringum árið 1930, keypti Deschanel fyrir sex árum á 222 milljónir króna.
Myndir af hlýlega og krúttlega heimilinu hennar Deschanel birtust á Trulia.com.