Körfuboltakappanum Micheal Jordan hefur enn ekki tekist að selja glæsilega húsið sitt sem hann setti fyrst á sölu í janúar árið 2013. Síðan húsið fór fyrst á markaðinn hefur ásett verð lækkað hægt og bítandi. Fyrir þremur árum vildi Jordan fá 3,7 milljarða króna fyrir húsið en núna er hann tilbúinn til að sætta sig við 1,9 milljarða króna fyrir eignina.
Jordan hefur lækkað verðið töluvert á síðustu þremur árum og því má gera ráð fyrir að kappinn vilji ólmur losna við eignina sem er í Highland Park í Chicago.
Húsið er afar glæsilegt og vægast sagt stórt en það er heilir 5.600 fermetrar. Í húsinu er auðvitað stærðarinnar körfuboltavöllur, rúmgóð líkamsræktarstöð og glæslegur bíósalur svo eitthvað sé nefnt.
Myndir af eigninni og nánari upplýsingar birtust á Curbed.com.