Söngkonan Milye Cyrus fjárfesti nýverið í stærðarinnar búgarði í Kaliforníu. Cyrus er greinilega mikil sveitastelpa þó hún líti ekki beint út fyrir að vera það því hún pungaði út 524 milljónum króna fyrir býlið samkvæmt heimildum Zillow.
Eignin samanstendur af 5.5 ekra landsvæði, vínekru, 600 fermetra hús, hlöðu og stóru hestagerði svo eitthvað sé nefnt. Það mun eflaust fara vel um Cyrus í nýja húsinu en það hefur að geyma sjö svefnherbergi og sex baðherbergi.