Við Vatnsstíg 16-18 stendur 136 fm á 6 hæð. Það sem vekur athygli er að 95 milljónir eru settar á íbúðina sem segir að fermeterinn er á yfir 700.000 kr. Íbúðirnar í húsinu við Vatnsstíg 16-18 þykja vandaðar og góðar en í húsinu býr mikið af efnuðu fólki.

Á efstu hæðinni býr Sigurður Gísli Pálmason fjárfestir í 269 fm íbúð sem er næststærsta íbúð hússins. Stærsta íbúð hússins er 312 fm að stærð en hún er í eigu Bjargar Bergsveinsdóttur en hún á tvær íbúðir í húsinu. Hin íbúðin í hennar eigu er 136 fm og er sú íbúð á 10 hæð.

Skúli Eggert Sigurz lögmaður býr í húsinu og það gerir líka Valgeir Jakob Flosason útgerðarmaður sem er hvað þekktastur fyrir að hafa verið eigandi Stíms ehf. Kristín Ingólfsdóttir og eiginmaður hennar, Einar Sigurðsson, eiga íbúð í húsinu. Edda Heiðrún Backman á íbúð í húsinu og líka Pétur Þór Halldórsson eigandi skor.is.

Íbúðin sem nú er til sölu er sem fyrr segir á 6 hæð en verðið á íbúðunum hækkar í flestum tilfellum eftir því sem ofar dregur. Íbúðin er vel búin vönduðum innréttingum, gegnheilu parketi og eru baðherbergin tvö flísalögð. Í íbúðnni eru tvö svefnherbergi.

HÉR er hægt að skoða íbúðina nánar.