Johnny Depp vill fá 3,4 milljarða fyrir þorpið

Leikarinn Johnny Depp er þekktur fyrir að vera með frekar ýktan smekk sem sést vel á þeim fasteignum sem hann hefur fjárfest í í gegnum tíðina. Samkvæmt heimildum Wall Street Journal hefur Depp átt heilt þorp í Frakklandi í næstum því fimmtán ár en núna vill hann losna við þorpið og hefur því sett það á sölu. Í þorpinu eru 12 hús og ásett verð er 3,4 milljarðar króna.

Depp pungaði nýverið 1,3 milljörðum króna í endurbætur þannig að verðandi kaupandi mun ekki kaupa köttinn í sekknum. Kaupandinn fær svo húsgögnin sem eru í húsum þorpsins í kaupbæti, að því er fram kemur í frétt Elle Decor.

Þorpið hefur að geyma nokkur íbúðarhús, gamlan veitingastað, líkamsrækt, tvær sundlaugar, torg og gamla kirkju sem hefur verið breytt í gestahús svo eitthvað sé nefnt.

Depp og fyrrverandi eiginkona hans, Vanessa Paradis, bjuggu í stærsta húsi þorpsins um tíma en það hús er um 400 fermetrar.

elledecor.com

elledecor.com

• Blogga um frétt