Stórir gluggar og guðdómlegur garður eru einkenni einbýlishúss sem teiknað var af 
Blatman-Cohen Architects. Húsið er í Netanya í Ísrael. 

Arkitektastofan skapaði einstök rými þegar hún hannaði húsið. Hjarta hússins slær á fyrstu hæðinni þar sem eldhús og stofa flæða saman í eitt og í rýminu er veglegur stigi á milli hæða. 

Innréttingarnar eru dökkar en gólfin ljós og svo leikur viður stórt hlutverk án þess að yfirgnæfa allt. Svarti liturinn er líka áberandi en stiginn á milli hæða er með svörtu handriði og svo kalllast húsgögnin á. Svartar hillur prýða stofuna og svörtu bitarnir í loftinu búa yfir sjarma.