Það er ekki á hverjum degi sem heimili er innréttað og það er ekkert á heimilinu sem betur mætti fara. Í þessu tilfelli er það mögulega vegna þess að tvær súperarkitektar sameinuðu krafta sína eða Amy Beaumont hjá Knob Modern Design og Joel Contreras hjá ContraMark Design.
Húsið er í Phoenix í Arizona og var ekkert til sparað þegar hráefni var valið. Á gólfunum er parket með fiskibeinamunstri en í eldhúsinu er innréttingin að hluta til kolsvört og að öðru leyti hvítsprautulökkuð. Á borðplötunum er marmari sem setur svo sannarlega svip sinn á eldhúsið.
Svarti liturinn er töluvert áberandi en þar leikur hvítur litur líka stórt hlutverk ásamt við og múrsteinum.