Leikkonan Julia Roberts hefur nú sett New York-þakíbúðina sína á sölu. Íbúðin er á besta stað í Greenwich Village og ásett verð er 611,7 milljónir króna samkvæmt fasteignavef 6sqft.com. Roberts og eiginmaður hennar, Danny Moder, keyptu íbúðina árið 2010 á 530 milljónir króna.
Þrjú svefnherbergi og þrjú baðherbergi eru í íbúðinni ásamt rúmgóðri stofu og stórum palli en íbúðin er nokkuð látlaus miðað við þær eignir sem eru yfirleitt í eigu Hollywood-leikara.
Þetta er ekki eina fasteignin sem Roberts er með á sölu þessa stundina því hún á glæsilegt hús á Hawaii sem hefur verið á sölu síðan í apríl á þessu ári.