Flottheit á Kaplaskjólsvegi fyrir 69,5 milljónir

Þetta glæsilega 153 fermetra raðhús við Kaplaskjólsveg í Vesturbænum er komið á sölu. Húsið, sem hefur verið endurnýjað að miklu leiti, var hannað að innan af Rut Káradóttur.

Fasteignamarkaðurinn hefur húsið á sölu, ásett verð er 69,5 milljónir króna.

Allar innréttingar eru sérsmíðaðar í húsinu og glæsileikinn ræður ríkjum. Húsinu fylgir svo snyrtileg lóð með litlum verkfæraskúr.

„Frábær staðsetning þar sem örstutt er í skóla á öllum sviðum ásamt annarri þjónustu sem er að mestu í göngufæri m.a. Vesturbæjarlaug, Melabúðin og Kaffihús Vesturbæjar,“ segir á fasteignavef mbl.is.