Helga Ólafsdóttir fatahönnuður er að selja íbúðina sína sem stendur við Strandveg 21 í Garðabæ. Íbúðin er 134,8 fermetrar og ásett verð er 53,9 milljónir króna.
Íbúðin er í fjölbýlishúsi sem byggt var árið 2005. Íbúðin hefur m.a. að geyma þrjú svefnherbergi og samliggjandi stofu og borðstofu. Útgengt er á aflokaða timburverönd frá stofu.
Fasteignasalan Torg sér um sölu íbúðarinnar. „Óhindrað sjávarútsýni. Sérlega glæsileg og vönduð 134,8 fm íbúð á jarðhæð í vönduðu fjölbýlishúsi ásamt stæði í bílageymslu og tveimur góðum timburveröndum í vönduðu lyftuhúsi sjávarmegin við Strandveginn í Sjálandi Garðabæjar. Miklir gluggar, vandaðar innréttingar og mjög gott skápapláss. Innréttingar eru samræmdar í allri íbúðinni, hvítar/eikar, og gólfefni eru fallegar flísar og gegnheilt eikarparket. Bæði geymsla og þvottahús eru innan íbúðar,“ segir um eignina á fasteignavef mbl.is.