Eyddu nótt heima hjá Harry Potter

Nú getur þú dvalið í leiguíbúð sem er í eigu Harry Potter-stjörnunnar Daniels Radcliffes, það er að segja ef þú hefur efni á að punga út tveimur og hálfri milljón króna í leigu á mánuði.

Íbúð hins 26 ára gamla leikara er í Soho í New York og að sjálfsögðu öll hin glæsilegasta. Þar er að finna tvö svefnherbergi, tvö baðherbergi, líkamsræktarsal og sundlaug.

Radcliffe er sagður eiga þrjár aðrar eignir í New York, auk íbúðar í London og Melbourne í Ástralíu. Eignina í Melbourne keypti leikarinn þegar hann lék ástralskan munaðarleysingja í kvikmyndinni December Boys, þá 16 ára.

Fleiri myndir af slotinu má sjá á vef Daily Mail.

Borðstofan er bæði hlýleg og hugguleg. Skjáskot af Daily Mail

Baðherbergið er stórt og hlaðið íburði. Skjáskot af Daily Mail

• Blogga um frétt