Jennifer Lopez hefur sett glæsihýsi sitt í Kaliforníu á sölu. Raunar setti söngkonan húsið á sölu á síðasta ári, en eitthvað hefur gengið illa að lokka að nýja kaupendur því nú hefur hún lækkað verðið um fjórar og hálfa milljónir Bandaríkjadala. Húsið er falt fyrir 12,5 milljónir Bandaríkjadala, sem samsvarar rúmlega einum og hálfum milljarði íslenskra króna.
Húsið er allt hið glæsilegasta, en það hefur að geyma níu svefnherbergi, bíósal sem tekur 20 manns í sæti, líkamsræktarsal og upptökuver, átta eldstæði, bar og bílskúr sem rúmar hvorki meira né minna en átta bíla.
Fleiri myndir má sjá á vef Daily Mail.