Orri Hauksson forstjóri Skipta hefur sett glæsilega íbúð sína við Vatnsstíg 15 í Reykjavík á sölu. Íbúðin er smekklega innréttuð en hún er 135 fm að stærð. Blokkin sjálf sem íbúðin er í var byggð 2004. 

Íbúðin er vel skipulögð og skemmtileg. Eldhúsið er opið inn í stofu með rúmgóðri borðstofu. Í íbúðinni eru rúmgóðar og huggulegar svalir. Það sem er heillandi við íbúðina er til dæmis að í henni eru tvö salerni sem er mikill kostur ef fólk er með börn. 

Síðustu ár hefur íbúðin við Vatnsstíg verið í útleigu en Orri býr ásamt eiginkonu sinni, Selmu Ágústsdóttur, við Laufásveg 69. Hann og Selma keyptu Laufásveginn 2015 eftir að hafa leigt húseignina af Hverfiseignum ehf, sem eru í eigu Ingibjargar Pálmadóttur. 

HÉR er hægt að skoða Vatnsstíg 15 nánar. 

Forstjóri Skipta leigir af 365