Það er ekki hægt að segja að neitt sé hefðbundið eða „sterílt“ við þetta glæsilega heimili við Naustabryggju í Reykjavík. Þótt innréttingar séu nokkuð hefðbundnar fær hinn einstaki stíll að njóta sín í innanstokksmunum og stíliseringu. 

Sú sem hér skrifar og ræður ríkjum játar að henni hitnaði alveg inn að hjartarótum við að skoða myndirnar. Þvílík gleðisprengja sem þessi íbúð er og eitthvað svo óíslensk og eitursvöl. Hjarðhegðun þjóðarinnar gerir það að verkum að það er stundum aðeins of svipað heima hjá allt of mörgum. Hér er það ekki þannig. Hér er skapandi hugsun í forgrunni og húsráðendur eru greinilega með ákaflega næmt auga fyrir litasamsetningum. Auk þess er rýmisgreind yfir meðallagi. 

Hér er enginn hræddur við að eitthvað verði asnalegt. Ef Smartland Mörtu Maríu ætti að gefa þessari íbúð einkunn þá fengi hún 11 af 10 mögulegum.

Verst að húsgögnin fylgja líklega ekki með þegar íbúðin verður seld en HÉR er hægt að skoða hana nánar.