Lítið mál að gera sitt eigið ljós

Perustæði í langri snúru hafa verið ákaflega áberandi í erlendum hönnunartímaritum og hönnunarbloggum. Að búa sér til svona ljós er ekki bara einfalt að framkvæma heldur mun ódýrara en að kaupa tilbúið ljós. 

Sköpunarglaðir sem vilja hanna og gera sinn eigin lampa eða loftljós ættu að kíkja í verslunina Glóey í Ármúla. Þar er frábært úrval af lampasnúrum, klóm, snúrurofum, snúrudimmum, fatningum, skermahöldum og öðru sem þarf í verkið. Það er lítið mál að útbúa sitt eigið loftljós með silkisnúrum og skrautperum til dæmis. Starfsfólk Glóeyjar getur aðstoðað þig við finna allt það sem þarf til að framkvæma hugmyndina.