Berglind Berndsen innanhússarkitekt FHI hefur sinn persónulega stíl þegar kemur að hönnun. Þegar hún er spurð út í tískustrauma heimilisins játar hún að henni leiðist þetta orð. Fólk eigi ekki að stýrast af tískustraumum heldur eigin innsæi og smekk.

Finnst þér að straumar og stefnur í innanhússhönnun vera að breytast? Hvað vill fólk í dag sem það vildi ekki fyrir fimm árum?

„Það er svo sem allt í gangi í innanhússhönnun. Þetta fer allt í hringi eins og ég hef oft sagt. Ég elti ekki mikið tískustrauma. Ég fylgi alltaf mínum sérkennum og treysti eigin innsæi. Einfaldleiki, og tímaleysi er alltaf hinn fullkomni grunnur fyrir mér en það er alltaf grunnhugmyndin þegar ég hanna heimili fólk. Svo dreg ég fram aðra mýkri efniviði eins og dökka viðinn sem ég nota mikið í hönnun minni. Dökkir litir í innréttingunum eru því oftast ráðandi í hjá mér,“ segir Berglind.

Nú hefur verið mikið í tísku að heilmála allt í gráum tónum. Er þetta svona ennþá?

„Það að heilmála veggi í þessum dökku eða ljós gráu tónum kemur ákaflega vel út og skapar hlýleika. Svarið er því já, ég nota gráa litinn 50/50 á móti hvíta litnum Ég er meira að segja farin að vera djarfari með gráu litina og farin að mála loftin í sömu litum og veggina. Það kemur mjög vel út.“

Hvert telur þú að verði næsta trend inni á heimilum?

„Ég get ekki spáð um það. Mér leiðist orðið trend. Mér finnst að fólk eigi alltaf að fylgja og treysta sínu innsæi og elta ekki of mikið tískustrauma. Fólk á því að skapa sinn persónulega stíl og vera óhrætt við það,“ segir hún. 

Berglind er mjög hrifin af gráum tónum. Ljósmynd/Gunnar Sverrisson

Berglind Berndsen hannaði baðherbergið. Ljósmynd/Gunnar Sverrisson

Tengdar fréttir

Heimili

Jón Jónsson og Hafdís selja 182 milljóna einbýli

• Rakel og Pálmi Guðmunds selja lekkera íbúð á besta stað
• Stílhreint 105 fm einbýli í Kópavogi
• Arkitektahöll í Fossvogi með eftirsóknarverðum eiginleikum
• 5 sjarmerandi eignir sem kosta undir 55 milljónir

» Fleiri tengdar fréttir