Ein krúttlegasta gata landsins, Haðarstígur í miðbæ Reykjavíkur, iðar af sjarma og skemmtilegheitum. Við götuna standa heillandi hús sem mörg hver er búið að gera upp á fantaflottan hátt.
Nú er eitt þeirra komið á sölu. Það var byggt 1927 og er í heildina 152 fm að stærð. Gengið er inn nokkrar tröppur og þá er komið inn á aðalhæð hússins. Þar er eldhús og stofur. Í risinu er baðherbergi og hjónaherbergi og í kjallaranum er þvottahús og annað herbergi.
Húsið var tekið í gegn fyrir um áratug og þá voru settar nýjar innréttingar í eldhúsið og skipt um gólfefni. Húsinu hefur verið ákaflega vel við haldið og eru svalirnar og garðurinn í kringum húsið iðandi af sjarma.
HÉR er hægt að skoða húsið nánar.