Guðni setur hús sitt á leigu

Guðni Th. Jóhannesson, verðandi forseti Íslands, er greinilega farinn að undirbúa flutningana á Bessastaði en hann hefur sett hús sitt við Tjarnarstíg 11 á Seltjarnarnesi á leigu.

Eignin verður til sýnis næstkomandi fimmtudag en um er að ræða 249 fermetra einbýlishús á þremur hæðum. Fimm svefnherbergi eru í húsinu og þrjár stofur en hægt væri að hafa sex svefnherbergi í eigninni með lítilli fyrirhöfn. Lóð hússins er stór, afgirt, tyrfð og með trjágróðri. 

Fjöldi fólks safnaðist saman fyrir utan Tjarnarstíg fyrr í sumar þegar Guðni var hylltur í embætti.

Hér er hægt að skoða eignina nánar.