Við Guðjón Finnur Drengsson sölumaður í Slippfélaginu urðum okkur úti um gamlan og lúinn baststól sem eitt sinn hafði verið ógurlega fínn. Við ákváðum að hressa hann við. Við notuðum spreybrúsa frá Slippfélaginu í verkið.

Heiðgulur varð fyrir valinu en eftir að hafa spreyjað stólinn með spreylakki varð hann fantaflottur. Eins og sést í þættinum, Upp á eigin spýtur, er mjög einfalt að úða málningu á basthúsgögn. Það er ekki ósvipað og að setja hárlakk í hárið á sér.

Það sem skiptir mestu máli er að hafa um það bil 20 sm fjarlægð frá úðabrúsa að hlutnum sem spreyjaður er. 

Áður en við hófumst handa við að spreyja á stólinn grunnuðum við hann með spreyi sem fæst í Slippfélaginu. Þegar það var orðið þurrt tókum við venjulegt sprey og úðuðum á hann. Það þurfti að fara tvær umferðir með spreyinu til að gera stólinn eins og nýjan. Þegar því var lokið spreyjuðum við yfir með glæru spreyi. 

Baststóllinn fyrir og eftir. mbl.is/Arnar Steinn Einarsson

Tengdar fréttir

Upp á eigin spýtur

Einfaldasta leiðin til að mála gluggana

• Losnaðu við veggjakrotið á einfaldan hátt
• Garðbekkur fékk nýtt líf
• Svona gerir þú skjólvegginn fallegri
• Gerðu pallinn upp fyrir litla peninga

» Fleiri tengdar fréttir

• Blogga um frétt