Eitt af glæsilegustu húsum Seltjarnarness er komið á sölu. Húsið stendur á besta stað með afbragðsútsýni út á Atlantshaf og svo er sundlaug í garðinum. 

Húsið var byggt 1963 og er 295 fm að stærð. Húsinu hefur verið vel við haldið og er skipulag þess ákaflega gott. Þegar húsið var byggt var ekkert til sparað og ósköp vel vandað til verka. 

Sæbraut er ein eftirsóttasta gata Seltjarnarness. Á dögunum var húsið Sæbraut 1 kallað Kjarvalshúsið. Húsið var byggt fyrir listamanninn Jóhannes Kjarval og var það sérhannað fyrir þarfir hans sem myndlistarmanns. Stofa hússins átti að vera vinnustofa hans og er þar til dæmis vaskur og fleira sem fólk er yfirleitt ekki með í stofunni hjá sér. Oliver Luckett festi kaup á húsinu.

Hann er banda­rísk­ur viðskiptamaður, lista­verka­safn­ari og var fram­kvæmda­stjóri The Audience sem hjálp­ar stjörn­um í Hollywood að koma sér á fram­færi í gegn­um sam­fé­lags­miðla. Hann hef­ur til dæm­is unnið tölu­vert fyr­ir Björk okk­ar og á lista­verk eft­ir marga af þekkt­ustu lista­mönn­um Íslands. Lista­verka­safn Luckett ætti að fá að njóta sín á Sæ­braut 1 en húsið var sér­smíðað und­ir Jó­hann­es Kjar­val. 

HÉR og HÉR er hægt að skoða Sæbraut 5 nánar. 

Sæbraut 5.

Útsýnið úr húsinu er glæsilegt.

Tengdar fréttir

Heimili

Rakel og Pálmi Guðmunds selja lekkera íbúð á besta stað

• Stílhreint 105 fm einbýli í Kópavogi
• Arkitektahöll í Fossvogi með eftirsóknarverðum eiginleikum
• 5 sjarmerandi eignir sem kosta undir 55 milljónir
• Þetta vilja töffarar landsins fá í sumargjöf

» Fleiri tengdar fréttir

• Blogga um frétt