Coco Chanel sem hefði átt 133 ára afmæli í gær keypti lóð í Roquebrune-Cap-Martin á frönsku rivíerunni árið 1928. Lóðina keypti hún á rúmar 36 milljónir sem var afar mikill peningur árið 1928. Næstu ár fóru svo í að byggja húsið.
Húsið er búið sjö herbergjum en í það fór Chanel til þess að slaka á frá amstri hversdagsleikans og njóta friðar. Þar hitti hún líka gjarnan ástmann sinn, hertogann af Westminster. Það var arkitektinn Reobert Streitz sem hannaði húsið en Chanel sjálf var afar innvikluð í allt ferlið.
Á síðasta ári tilkynnti tískufyrirtækið Chanel að það hefði fest kaup á húsinu og er ætlunin að endurgera það í stíl Chanel.
Hér eru nokkrar skemmtilegar staðreyndir um húsið sem Vogue tók saman:
Aubazine-munaðarleysingjahælið sem Chanel ólst upp á í Frakklandi veitti henni mikinn innblástur við gerð hússins.
Í húsinu eru gluggarnir oft fimm saman í stíl við Chanel No.5-ilmvatnið.
Hún pantaði um 20.000 handgerðar flísar fyrir þakið.
Hverju baðherbergi í La Pausa fylgdi þjónn svo fólk gæti verið fljótt að baða sig og komið sér í föt eftir baðferðina.