Við Njálsgötu í Reykjavík stendur ævintýralega fallegt sérbýli. Húsið, sem staðsett er í hjarta miðborgarinnar, er bæði sérlega kósý og afskaplega krúttlegt en þar er hver fermetri nýttur sem best verður á kosið.
Við húsnúmerið eru þrjár fasteignir sem allar eru samtengdar hver annarri, líkt og um raðhús sé að ræða. Garðurinn er svo sameiginlegur, þar sem mat- og kryddjurtir fá ríkulegt pláss.
Sér inngangur er í íbúðina, sem samanstendur af kjallara, hæð og hlýlegu risi.
Frekari upplýsingar um eignina má finna hér.
Forstofan er lítil, en þá er mikilvægt að skipulagið sé í lagi.
Ljósmynd / Remax fasteignasala
Líklega eru fá eldhús á landinu jafn glaðleg og þetta. Þarna má aldeilis drekka morgunkaffið í góðum gír.
Ljósmynd / Remax fasteignasala
Úr eldhúsinu er gengið niður í kjallara.
Ljósmynd / Remax fasteignasala
Eignin er ekki stór, en plássið er vel nýtt.
Ljósmynd / Remax fasteignasala
Baðherbergið er afskaplega notalegt, og snyrtiborðið sómir sér vel.
Ljósmynd / Remax fasteignasala
Risið er notað sem svefnherbergi.
Ljósmynd / Remax fasteignasala
Eins og sjá má er húsið ævintýralega krúttlegt.
Ljósmynd / Remax fasteignasala