Nýjasti IKEA-bæklingurinn er kominn inn um bréfalúgur landsmanna, öllum fagurkerum til mikillar gleði. Bæklingurinn sem um ræðir er með örlítið breyttu sniði en áður fyrr, því í honum er að finna greinar, góð ráð og viðtöl sem tengjast IKEA til viðbótar við vörulista og dásamlegar myndir.
Yfirskrift vörulistans í ár er: „Hannað fyrir fólk, ekki neytendur“, sem þýðir einfaldlega að vörurnar eru hannaðar fyrir venjulegt fólk, sem er eins fjölbreytt og það er margt.
Þema ársins er, líkt og í fyrra, tengt eldhúsinu, en snýst nú um að fá fólk til að anda djúpt, slaka á og njóta þess að elda og eiga góðar samverustundir í eldhúsinu. Eins og sjá má á meðfylgjandi myndum er IKEA-verslunin nú stútfull af spennandi vörum.