Arkitektastofan NeumanHayner Architects átti stjörnuleik þegar hún hannaði sannkallað fjölskylduhús í Tel Aviv í Ísrael. Þessi fjögurra manna fjölskyldi líður engan skort í þessari nútímavillu.

Húsið er L-laga og býsna vel skipulagt. Stofan og eldhúsið renna saman í eitt og í eldhúsinu er dökkgrá innrétting með gráum steinborðplötum. Við endavegginn í eldhúsinu eru opnar hillur og eyjan er með hnausaþykkri viðarborðplötu að hluta til. Ljósin fyrir ofan eyjuna skapa góða stemningu. 

Þótt húsið sé í grunninn mínímalískt þá er það hlýlegt því húsið er búið hlýlegum húsgögnum og fylgihlutum. Auk þess er mikið af sniðugum hugmyndum í húsgögnum eins og hengirúm í eiginlegri merkingu og hengistólar eða rólur. 

Bambusinn er líka notaður á heillandi hátt í húsinu. Hann er notaður sem efniviður í hillur og handrið og kemur með svolítið suðrænt tvist sem er sniðugt á móti allri steypunni.