Johnny Depp selur slotið

Johnny Depp hefur sett heimili sitt í Los Angeles á sölu, en heimilið samanstendur af fimm loftíbúðum. Þrjár íbúðanna eru tengdar, sú fjórða er ætluð sem vinnustofa, en sú fimmta er hugsuð sem gestaíbúð fyrir fjölskyldu og vini.

Íbúðirnar eru ekkert slor, enda Depp vellauðugur, og er áætlað söluverð 12,78 milljónir Bandaríkjadollara. Það samsvarar tæplega einum og hálfum milljarði íslenskra króna.

Fyrirkomulagið var fremur sérstakt, og notaði leikarinn íbúðirnar líkt og um herbergi væri að ræða.

Fleiri myndir má sjá á vef Daily Mail