Aðdáendur Harry Potter geta tekið gleði sína því hús Hermione Granger hefur verið sett á sölu. Húsið, sem kom fyrir í Harry Potter and the Deathly Hallows: Part 1, er staðsett í London og er falt fyrir litlar 2,4 milljónir sterlingspunda eða tæpar 356 milljónir íslenskra króna.
Ekki er vitað til þess að húsið sé búið neinum töfratækjum eða tólum, enda voru foreldrar Hermione ósköp venjulegir muggar.
Húsið er þó sérlega huggulegt, en það hefur að geyma sex svefnherbergi, tvö baðherbergi, gestasnyrtingu, fjölskylduherbergi og fallegan garð.
Frétt Mirror