Við Urðarstekk í Breiðholtinu stendur 295 fm einbýlishús sem byggt var 1968. Búið er að endurnýja húsið mikið, skipta um innréttingar, gólfefni og glugga svo fátt eitt sé nefnt. Í húsinu er aukaíbúð ásamt bílskúr. 

Eins og sjá má á þessum myndum sem Sissa Ólafsdóttir ljósmyndari tók er heimilið einstaklega fallegt og yfir því hvílir einhver furðuleg ró. Það er auðvelt að sjá sig fyrir sér liggjandi þarna uppi í sófa eða að slaka á í baðkarinu. 

Allir baðkarsunnendur eiga eftir að fá hland fyrir hjartað yfir baðkarinu sem staðsett er í svefnherberginu. Pandomo veggir eru áberandi í húsinu, en það er sérstakt efni sem borið er á veggi þannig að það myndi steypuáferð. Gólfin eru ýmist flotuð eða með parketdúk sem lítur út eins og gegnheilt parket.

Af fasteignavef mbl.is: Urðarstekkur 5