Tónlistakonan Alicia Keys og eiginmaður hennar, Swizz Beatz, ná greinilega ekki að losa sig við húsið sitt í New Jersey en eignin hefur verið á markaðnum í ár. Um 2.300 fermetra glæsihús er að ræða og ásett verð er upphæð sem nemur um 1,7 milljörðum króna.
Í húsinu glæsilega eru átta svefnherbergi og 14 baðherbergi, hvorki meira né minna! Húsið hefur einnig að geyma innisundlaug, kvikmyndasal, líkamsræktarstöð, keilubraut og upptökuver svo eitthvað sé nefnt.
Þess má geta að hjónin keyptu húsið árið 2013 af leikaranum Eddie Murphy og gerðu það upp.
Fleiri myndir af eigninni og nánari upplýsingar er að finna á fasteignavefnum Zillow.com.