Við Erluás í Hafnarfirði stendur snoturt raðhús á tveimur hæðum. Húsið uppfyllir alla nútímaskala um smekklegheit. Húsið er heilmálað í ljósgráum lit og húsgögnin eru prýðilega valin inn í húsið.
Í eldhúsinu er hvít sprautulökkuð innrétting með gripum, ekki höldum. Þar eru hvítar borðplötur og fínt skápapláss. Eldhússinnréttingin er með tanga sem tengir eldhúsið við borðstofuna og stofuna. Við tangann er hægt að tylla sér á nettum barstólum.
Á húsinu er afar fínt skipulag. Eldhús og stofa á neðri hæðinni og svefnherbergi og baðherbergi á efri hæðinni.