Leikarinn Tom Cruise er sagður vera að flytja í tveggja hæða lúxus-þakíbúð í Flórída sem er í eigu Vísindakirkjunnar. Íbúðin mun vera í sömu byggingu og höfuðstöðvar Vísindakirkjunnar.
Íbúðin sem um ræðir er víst hin glæsilegasta, í henni er meira að segja herbergi með flughermi. Íbúðinni fylgir svo bílalyfta sem opnast beint upp í íbúð þannig að næðið er algjört. Íbúðinni fylgir einnig bílskúr sem rúmar allt að níu bíla.
Samkvæmt heimildum The Underground Bunker mun talsmaður Vísindakirkjunnar hafa greint frá því að íbúðin væri ætluð Cruise.