Við Túnfit 2 í Garðabæ stendur ákaflega heillandi einbýlishús á einni hæð. Gunnar Guðnason arkitekt teiknaði húsið og sá Thelma B. Friðriksdóttir um innnahússhönnun þess, hljóðvist og var ljósahönnun unnin í samvinnu við Helga í Lumex.
Húsið er 308 fm að stærð og fimm ára gamalt en það var byggt 2011.
Húsið er með hvítum glæsilegum innréttingum. Eldhúsið er opið inn í sameiginlegt fjölskyldurými með borðstofu og stofu. Hátt er til lofts og vítt til veggja. Í húsinu er töluvert magn af síðum gluggum sem skapa mjög nýtískulega og flotta stemningu.