Hollywood-stjarnan Jared Leto hefur sett hús sitt á sölu. Leikarinn keypti húsið árið 2006, og kostaði það þá 1,65 milljónir bandaríkjadali eða tæpar 188 milljónir íslenskra króna.

Verðið verður að teljast fremur hóflegt ef marka má hversu frægur Leto er, en taka verður með í reikninginn að hann hafði ekki slegið jafn rækilega í gegn og hann hefur gert í dag á þessum árum.

Leto er svo sem búinn að uppfæra húsakostinn, en á síðasta ári keypti hann annað hús í Los Angeles. Samkvæmt frétt Daily Mail var það hús ögn dýrara og pungaði leikarinn út 569 milljónum íslenskra króna.

Húsið sem Leto er að losa sig við er þó alls ekkert slor, en í því er að finna fjögur svefnherbergi, þrjú baðherbergi og að sjálfsögðu er sundlaug í garðinum. Leikarinn fer fram á tæpar 228 milljónir fyrir húsið.