Við Melabraut á Seltjarnarnesi stendur einbýlishús á tveimur hæðum, en húsið er falt fyrir 53,5 milljónir króna.
Ekki er hægt að segja að húsið sé í toppstandi, því fyrr á árinu stórskemmdist það í bruna. Í raun er það óíbúðarhæft og nær ónýtt.
Húsið er 183 fermetrar að stærð og stendur á 850 fermetra lóð. Fasteignamat eignarinnar er tæplega 61 milljón, en brunabótamatið rúmar 44 milljónir.
Frekari upplýsingar um eignina má finna á fasteignavef mbl.is, en þrjár fasteignasölur virðast hafa húsið á söluskrá. Einnig má finna upplýsingar um eignina hér og hér.